Үйл явдал
БАЙГУУЛЛАГАД ЗОРИУЛСАН СУРГАЛТЫГ ЗОХИОН БАЙГУУЛЛАА
2025-03-26

Монгол-Японы төвийн Бизнесийн сургалтын тасгаас танхимын сургалт төдийгүй албан байгууллагын захиалгаар тухайн байгууллагын хэрэгцээ шаардлагад нийцүүлсэн төрөл бүрийн менежментийн сургалтыг зохион байгуулдаг билээ. Байгууллагын сургалт нь менежментийн мэдлэг мэдээлэл олгохоос гадна тухайн байгууллагын ажилтан албан хаагчид нэгдсэн нэг мэдлэг мэдээлэлтэй болж, нэг хэлээр ярьж ойлголцох зорилготой юм.

Энэ удаа Карбон композитс ХХК-ийн хамт олонд зориулан “Стратегийн менежмент”, “Хүний нөөцийн менежмент”, “Соёлын ялгааг ойлгох нь” хэмээх сэдвүүдээр 3 өдрийн сургалтыг зохион явууллаа. Компани удирдахад зайлшгүй зорилго, зорилт, төлөвлөгөө боловсруулж, түүнтэй уялдуулсан хүний нөөцийн бодлогоо боловсруулах шаардлагатай тул тухайн чиглэлийн онолын мэдлэгээ дээшлүүлэх зорилгоор “Стратегийн менежмент”, “Хүний нөөцийн менежмент” сургалтыг хамт олноороо авсан бол, цаашид гадаадын компанитай хамтран ажиллахад өөр соёл уламжлалтай хүмүүстэй зөв ойлголцож ажиллахад анхаарах зүйлсийг мэдэж авахаар “Соёлын ялгааг ойлгох нь” сэдвийн сургалтад хамрагдлаа. Соёлын ялгааны талаар тус төвийн бизнесийн хамтын ажиллагааны мэргэжилтэн Накамура Ко өөрийн туршлага болон Г.Хофстедийн Соёлын 6 хэмжээс-д тулгуурлан өөр өөр соёлтой улс орны иргэд хэрхэн ойлголцож ажиллавал илүү үр дүнтэй талаар суралцагчидтай санал бодлоо солилцонгоо сургалтыг удирдан явууллаа.

Карбон композитс ХХК-ийн хамт олонд зориулсан сургалт харилцан суралцсан, маш их  эрч хүч, эрмэлзэл төрсөн сургалт болж өндөрлөлөө.

Та бүхнийхээ цаашдын ажилд амжилт хүсье