1) Сургалтын танилцуулга:

Бизнесийн зөвлөх болон Монгол-Японы төвийн Үндэсний сургагч багш бэлтгэх зорилготойгоор энэхүү сургалтаа шинээр нээж байна. 2 жилийн хугацаанд Япон багш нарын заадаг ахисан түвшний сургалт, ганцаарчилсан сургалт, ажлын байрны сургалт болон 3 долоо хоногийн Япон дахь дадлага сургалтаар дамжуулан Үндэсний сургагч багшийг бэлтгэнэ. Монгол-Японы төвийн Үндэсний сургагч багшид тохирох өсөх ирээдүйтэй хүнийг бичиг баримт болон ярилцлагын журмаар сонгон шалгаруулж авна.

2) Агуулга:

1 дэх жил: Тухайн салбарын ахисан түвшний сургалтад сууна. Мөн ажлын байран дээрх сургалт, Загвар аж ахуйн нэгжийн хөтөлбөрүүдэд хамрагдан дадлага хийнэ.

Явцын шалгалт (Шалгалтанд тэнцсэн хүн дараагийн жил суух эрхээ авна)

2 дахь жил: Ахисан түвшний сургалт болон заах, зөвлөх арга барилын ганцаарчилсан сургалтад сууна. Мөн ажлын байран дээрх сургалт, Загвар аж ахуй нэгжийг хөгжүүлэх хөтөлбөр болон Япон дахь 3 долоо хоногийн дадлага сургалтад хамрагдана.

Эцсийн шалгалт (Зөвхөн тэнцсэн хүнд сертификат олгоно)

3) Бүртгэж авах салбар: Энэ жил доорх 2 чиглэлээр бүртгэж байна.

-  Борлуулалт, Маркетингийн салбар

-  Чанар, Бүтээмжийн салбар

4) Тавигдах шаардлага

 -  Дээд боловсролтой

 -  Япон багштай харилцах англи хэл эсвэл япон хэлний өндөр мэдлэгтэй байх

      -  Бүртгэж авах салбарт 5-аас дээш жил ажилласан байх

5) Бүртгүүлэх хугацаа, шаардлагатай бичиг баримт

      -     9 сарын 5 хүртэл доорх 3 төрлийн бичиг баримтыг Монгол-Японы төвийн хариуцсан  ажилтанд хүргэж өгнө үү.

      -     Мөн доорх (1), (2)-г англи эсвэл япон хэлээр бичнэ үү.                                      

     1.    Өргөдлийн маягт ( Энд дарж татаж авах)

Доорх 4 зүйлийг багтаан уг сургалтад хамрагдах хүсэлтээ бичнэ үү.

-  Дээрх 2 салбараас сонгох

-  Өөрийн давуу тал

-  Сургалт төгссөний дараах багшлах төлөвлөгөө

-  Аж ахуйн нэгжтэй танилцах, сургалт лекцэнд суух боломжтой цаг

2.  Намтар 

3.  Англи хэл эсвэл Япон хэлний түвшинг илэрхийлэх сертификат

6) Сонгон шалгаруулалт

-  Бүртгэж авах хүний тоо хязгаартай

-  Үндэсний сургагч багш болон Бизнесийн зөвлөхөөр ажиллах чадвартай гэж үзсэн хүнийг сонгон шалгаруулж авна.

-   Бичиг баримтын шалгаруулалтын хариуг 9 сарын 8-нд и-мэйлээр мэдэгднэ. Тэнцсэн хүмүүст ярилцлага авах өдрийг тухайн үед мэдэгднэ.

7) Сургалтын төлбөр:

1 дэх жил:     1,500,000₮

2 дахь жил:   3,000,000₮ (Япон дахь дадлага сургалтын төлбөр багтсан болно.) 

8)　Бүртгэл хариуцсан ажилтан:

Монгол-Японы төв Бизнес сургалтын тасаг – Ж.Оюунчимэг

И-мэйл:               chimgee@japan-center.mn

Утас:                      11-310879(ext3)

Цахимхуудас:　     http://www.japan-center.mn

Фэйсбүүк хуудас:  Монгол-Японы Төв Бизнес Тасаг